Хаан банк, Мобиком хоёроос татгалзах цаг болжээ

“Мобиком корпораци” “Хаан банк” хоёрын дарангуйллаас гарчихвал эдийн засгийн хямралын өнөө үед амьдрал арай хөнгөн болно доо.  Мобиком бусад үүрэн холбооны операторууд дундаа зах зээлд давамгай байдалтай хэрнээ хамгийн өндөр үнэтэй, зарим тохиолдолд шударга бусаар үнэ тариф тогтоож, ярианы төлбөрөө илүү авдаг болоод удаж байна.

Хаан банк мөн ялгаагүй, лансны гүйлгээний шитгэл, баримтын төлбөр гээд бага багаар их мөнгө авч, иргэдийн халаасыг сэгсрээд сурчихсан. Хаан банкны АТМ ихэнх тохиолдолд гацдаг, карт залгидаг, мөн мөнгөгүй болчихсон байдаг. Гэтэл ХААН банкныхан  үйлчилгээний чанараа  сайжруулдаггүй атлаа, хуурамч реклам, монополь эрхээрээ дулдуйдаж иргэдээр хохироосоор байна.

Өнөөдөр нэгэн иргэн Ардын эрхийн ХААН банкны салбар дэх экспресс банкны АТМ-аас зарлага гаргахаар АТМ-д комманд өгөөд яг зарлага гарахын өмнө тэнд байсан  АТМ-ууд бүгд таг гацсан байна. Тэр даруй үйлчлүүлэгч  мобайл банкаар дансаа шалгаж үзэхэд  данснаас нь АТМ-аар авах гэсэн мөнгөн дүнтэй тэнцэх зарлага гарсан атлаа мөнгөө гаргаж өгөөгүй байна. Тухайн үйлчлүүлэгч тэнд байсан  ХААН банкны  теллер, хамгаалагч, ажилтнуудаас лавлан байж 1800-1927 утас руу ярь гэсэн зааврын дагуу залгахад автомат хариулагчаар удтал хариулсны эцэст сая нэг  оператортой холбогдсон байжээ.

Болсон явдлыг тайлбарласан үйлчлүүлэгчид хандан ХААН банкны   лавлах утасны оператор хариулахдаа: “таны дансанаас гарсан зарлага үнэн эсэхийг бид төв рүүгээ дамжуулна, төвөөс Нягтлан бодогч шалгаж үзээд 1-3 хоногт таны дансанд гүйлгээ хийгдээгүй  бол мөнгө нь эргэж орох болно” гэжээ.  

Мөн Хаан банкны дансаар хэн нэгэн рүү мөнгө шилжүүлэхдээ өөр данс руу андуураад явуулсан бол шимтгэлд нь бараг талыг нь хураагаад авчихдаг. Арилжааны банкууд шимтгэл авдаг зөрчил илэрч, шүүхээр буруутай болох нь тогтоогдсон. Үүнийг мөн л Хаан банк тэргүүлж байгаа.  Тухайлбал, Арилжааны банкууд зээл олгохдоо шимтгэл нэрээр 0,25-4 хувь хүртэл хэмжээний төлбөрийг, түүнчлэн 1000 - 40 000 төгрөгийн хураамж авдаг. Дээрх нэр бүхий арилжааны банкуудын зүгээс тухайн зээл олголтын зардал гэх зээлийн дүнгийн тодорхой хувьтай тэнцэх хэмжээний шимтгэлийг авдаг байх боловч хураамж гэх зээл олголтын зардлыг дахин авч байгаа нь холбогдох хууль, тогтоомжийг зөрчсөн. Зээл олгохтой холбогдуулан гарах зардлаас өндөр хэмжээний төлбөр авч байгаа нь Өрсөлдөөний тухай хуулийн 12 дугаар зүйлийн 12.1.10-т “хууль ёсны ашиг сонирхолд харшлах болон хэрэглэгчийг хууль бусаар хохироох худалдааны арга хэрэглэх”-ийг зөрчсөн.

Г.Наран

скачать dle 10.6фильмы бесплатно
Эх сурвалж: http://www.zaluu.mn/

Шинэ мэдээ
Их уншсан